أجيب سلامون ولا ناكل تونة

--------------------------------------------------------------------------------

أجيب سلامون ولا ناكل تونة

أجيب سلامون ولا ناكل تونة
خلاص الأمريكان هيسحبوا المعونة
مشكنتوا قبلة تبلغونا قبل ما تيجوا تاخدوا المعونة
و الشعب ناسي ولا همه بالع بلاوي جوه فمه
ينشى بحشيشة ولا أفيونة
بينا يا رجالة نجمع القمح و نشغل الطحونة
ياللا نبني المصانع و نرصف الشوارع
بينا نجمع الطوب و تقلب المونة
لسه هاتفكروا هنبنيها دي بلدنا و بلد أيونا
ياشعب طفح الكوت عشان يجيب القوت يا ماسك النبوت
شوف اللي غرقونا
رمونا في بحر النوم من غير ما يعلمونا العوم
و جايين دلوقت يفوقونا
و يقولوا هناخد المعونة
طيب نجيب سلامون ولا ناكل تونة
و منين السلامون و منين التونة